24 proxectos compiten na sede de Lugo nesta nova edición de ViaGalicia, que celebrou o luns 27 de marzo en Lugo a súa primeira xornada de traballo co Startup Day. Ao acto institucional de apertura asistiron o delegado do Estado, David Regades; a alcaldesa de Lugo, Lara Méndez; a directora de GAIN, Patricia Argerey; e o presidente da Cámara de Comercio de Lugo, Jaime López, así como José Luis Villaverde, director de área de Valorización, Transferencia e Emprendemento USC.
Nesta xornada, os equipos emprendedores participaron nunha serie de dinámicas nas que demostraron as súas habilidades persoais e de equipo, o que permitirá valorar o seu espírito e capacidade emprendedora, de cara a seleccionar os equipos que se incorporarán á Fase de Academia.